صدر رجب طیب ایردوان نے استنبول میں روایتی رومانی افطار ڈنر سے خطاب کیا۔
مہمانوں کو رمضان کی مبارکباد دیتے ہوئے صدر ایردوان نے ترکیہ کے تمام رومانی عوام کے لیے احترام اور محبت کا اظہار کیا۔
اس بات کو نوٹ کرتے ہوئے کہ مغربی ممالک میں تارکین وطن کو نشانہ بنانے والے نفرت انگیز جرائم خوفناک حد تک پہنچ رہے ہیں ایردوان نے کہا کہ ترکیہ نے ماضی میں ہمارے روما کے شہریوں کے ساتھ کیے گئے تمام امتیازی رویوں کو مسترد کر دیا ہے۔
انہوں نے مزید کہا کہ ہم نے جو ترکیہ بنایا ہے وہ ایک ایسا احاطہ ہے جہاں ہر قسم کے امتیاز کو خارج کیا گیا ہے۔
انہوں نے کہا کہ ترکیہ اب صرف اشرافیہ، گوروں یا مٹھی بھر خوش اقلیتوں کا ملک نہیں رہا۔
انکا کہنا تھا کہ کہ ہم سوشل میڈیا کے ذریعے پھیلائے جانے والے نسل پرستانہ خیالات کو کبھی بھی اپنے بھائی چارے کو نقصان پہنچانے کی اجازت نہیں دیں گے۔
ترک صدر نے عالمی یوم روما کے لیے اپنی نیک تمناؤں کا اظہار بھی کیا، جو ہر سال 8 اپریل کو روما کی ثقافت کو اجاگر کرنے اور روما کے لوگوں کو درپیش مشکلات کے بارے میں آگاہی فراہم کرنے کے لیے منایا جاتا ہے۔
یورپ کی کونسل کے مطابق، ترکیہ کی روما آبادی کا تخمینہ 2.75 ملین ہے، جو یورپ میں سب سے زیادہ ہے۔
2016 میں، ترکیہ نے مقامی روما کے لوگوں کے حالاتِ زندگی کو بہتر بنانے کے لیے ایک ایکشن پلان کا اعلان کیا تھا۔
