پاکستان کے عام انتخابات میں دوسری بار وزیراعظم منتخب ہونے والے شہباز شریف نے ترکیہ کے ساتھ دوطرفہ تجارت کو بڑھانے پر زور دیا ہے ۔
وزیر اعظم پاکستان نے اسلام آباد میں ترکیہ کے سفیر مہمت پاچا جی کا دارالحکومت اسلام آباد میں وزیر اعظم آفس میں خیر مقدم کیا۔
ملاقات کے دوران وزیر اعظم شہباز شریف نے کہا کہ ترکیہ اور پاکستان کے درمیان 5 بلین ڈالر کے تجارتی ہدف کو حاصل کرنے کے لیے تجارت کو وسعت دینے پر کام کرنے کی ضرورت ہے۔
وزیر اعظم پاکستان نے کہا کہ پاکستان اور ترکیہ مشکل وقت میں ایک دوسرے کے ساتھ شانہ بشانہ کھڑے رہے ہیں اور ر مستقبل میں بھی ایک دوسرے کا ساتھ ایسے ہی دیتے رہیں گے۔
وزیر اعظم پاکستان نے کہا کہ انہیں خوشی ہے کہ صدر ایردوان نے انہیں فون کرتے ہوئے ان کے نئے عہدے پر مبارکباد پیش کی اورانہوں نے صدر ایردوان کو ترکیہ کے مقامی طور پر تیار کردہ قومی جنگی طیارے KAAN کی کامیاب پرواز پر مبارکباد دی۔
وزیر اعظم پاکستان نے کہا کہ انہوں نے ایردوان کو ساتویں ترکیہ پاکستان اعلیٰ سطحی سٹریٹجک کوآپریشن کونسل کے اجلاس کے لیے پاکستان مدعو کیا اور کہا کہ پاکستانی عوام دارالحکومت اسلام آباد میں صدرایردوان کی میزبانی کے منتظر ہیں۔
ترکیہ کے سفیر مہمت پاچا جی نے وزیر اعظم کے طور پر دوبارہ منتخب ہونے پر شہباز شریف کو مبارکباد دی اور دونوں ممالک کے درمیان بھائی چارے کے رشتوں کو مضبوط بنانے کی اہمیت پر زور دیا۔
