پاکستانی یوم آزادی پر، آذر بائیجان میں پاکستان کے سفارت خانے میں تقریب منعقد کی گئی، جس میں آذربائیجان کے با ہمت کوہ پیما ، اسرافیل عاشورلی کو ان کے اعلیٰ ترین جذبہِ ایثار اور اخوت کے اعتراف میں خصوصی اعزاز سے نوازا گیا ۔
54 سالہ اسرافیل عاشورلی ، معروف آذربائیجانی کوہ پیما ہیں، جنہوں نے 8 ہزار سے بلند 6 چوٹیاں سر کر رکھی ہیں، مگر ان کے نام کو شہرتِ دوام گزشتہ ماہ تب ملا، جب وہ پاکستان میں نانگا پربت کو سر کر رہے تھے، اور ایک پاکستانی کوہ پیما، آصف بھٹی مہم کے دوران سنو بلائنڈ ہو جانے کے باعث کیمپ فور میں پھنس گئے تھے اور انکی مہم کے علاوہ جان بھی شدید خطرات کا شکار تھی۔ ایسے میں اسرافیل عاشورلی نے اپنی جان پر کھیل کر آصف بھٹی کی جان بچائی اور انہیں بیس کیمپ پر پہنچایا۔ اسرافیل عاشورلی نے اس سلسلے میں نانگا پربت سر کرنے کی اپنی مہم کو بھی ترک کیا اور انسانی جان کے تحفظ کو اس سب پر فوقیت دی۔
اسی انسانی ہمدردی کے جذبے کے اعتراف میں آذر بائیجان میں پاکستان کے سفیر، بلال حئی نے اسرافیل عاشورلی کو یادگاری لوحِ تحسین سے نوازا
