انقرہ: وفاقی وزیرِ صحت سید مصطفیٰ کمال نے 11ویں ترکش میڈیکل ورلڈ کانگریس کے موقع پر ترکیہ کے وزیرِ صحت پروفیسر ڈاکٹر کمال میمیش اوغلو سے دو طرفہ ملاقات کی۔
ملاقات کے دوران دونوں وزراء نے پاکستان–ترکیہ برادرانہ تعلقات کی مثبت سمت پر اطمینان کا اظہار کیا اور شعبہ صحت میں تعاون کو مزید گہرا اور متنوع بنانے کے عزم کی تجدید کی۔
فریقین نے طبی تحقیق، اسپتالوں کے نظام، انسانی وسائل کی تربیت اور جدید طبی ٹیکنالوجی کے شعبوں میں مشترکہ منصوبوں کے فروغ پر بھی تبادلۂ خیال کیا۔
دونوں رہنماؤں نے کہا کہ صحت کے میدان میں تعاون سے عوام کو بہتر علاج کی سہولیات میسر آئیں گی اور دو طرفہ تعلقات کو مزید مضبوطی ملے گی۔
