پاکستان نے بدھ کے روز متنازعہ جموں کشمیر کے علاقے لداخ میں بھارت اورچین کی ایل اے سی پر جھڑپ میں طویل المیعاد اتحادی بیجنگ کی حمایت کا اعلان کر دیا۔
پاکستان کے وزیر خارجہ شاہ محمود قریشی نے ایک بیان میں کہا چین نے پوری کوشش کی کہ [سرحدی] مسئلے کو خوش اسلوبی سے اور بات چیت کے ذریعے حل کیا جاسکے۔ لیکن ہندوستان نے اس پر عمل نہیں کیا اور متنازعہ خطے میں تعمیرات جاری رکھے ، جس کی وجہ سے تصادم ہوا۔
منگل کے روز جموں کشمیر کے متنازعہ خطے لداخ میں چینی فوجیوں کے ساتھ سرحدی جھڑپوں کے نتیجے میں مجموعی طور پر 20 ہندوستانی فوجی ہلاک ہوگئے۔یہ 1975 کے بعد دونوں سرحدی فوج کے مابین پہلا مہلک تصادم ہے۔
اس واقعے نے ہندوستان کے وزیر اعظم نریندر مودی کی خارجہ پالیسی پر بڑھتی تنقید میں بھی اضافہ کیا ، جو ہمسایہ ملک نیپال کے ساتھ بڑھتے ہوئے سرحدی تناؤ اور بنگلہ دیش کی متنازعہ شہریت کے قانون کی وجہ سے پہلے ہی زیربحث ہے۔
یہ ایک غیر معمولی صورتحال ہے ، جسے کئی دہائیوں کے بعد خونی تصادم کی شکل میں دیکھا گیا ہے۔ یہ واضح طور پر ہندوستان کے ہندوتوا نظریہ کا نتیجہ ہے۔
ہندوستان کے ساتھ سرحدی تنازعہ پر بیجنگ کے “اصولی” موقف کی حمایت کرتے ہوئے ، انہوں نے کہا: “لداخ اور تبت کی 3،500 کلومیٹر طویل سرحد ایک متنازعہ خطہ ہے۔ اگر ہندوستان کو لگتا ہے کہ وہ اس علاقے پر قبصہ کر لیں گے تو ، شاید ، یہ چین کے لئے قابل قبول نہیں۔ دونوں ممالک کے مابین سرحدی کشیدگی سات دہائیوں سے جاری ہے۔
انہوں نے مزید کہا ، “جب بھی ہندوستان اس [ہندوتوا] نظریے پر عمل پیرا ہوا ہے ، اور اس (طرح کی) ضد کو ظاہر کرتا ہے تو ، خطے میں صورتحال خراب ہوجاتی ہے۔
گذشتہ اگست میں متنازعہ جموں و کشمیر کی کئی دہائیوں سے خصوصی حیثیت کو ختم کرنے کا ذکر کرتے ہوئے ، وزیر خارجہ نے کہا کہ چین اور پاکستان نے نئی دہلی کے متنازعہ اقدام کو مسترد کردیا ہے ، لیکن “بھارت ، اعتدال پسند رویہ ظاہر کرنے کے بجائے انتہا پسندی کی پالیسی اپنا رہا ہے۔
نئی دہلی پر اسلام آباد کی مذاکرات کی پیش کش کو مستقل طور پر مسترد کرنے کا الزام عائد کرتے ہوئے ، قریشی نے کہا: “پاکستان ایک امن پسند ملک ہے۔ لیکن اگر بھارت یہ سوچتا ہے کہ پاکستان کو اپنے جارحانہ انداز سے قابو پایا جاسکتا ہے ، (تو) یہ اس کی غلط فہمی ہوگی۔
