پاکستان کی جانب سے ڈنمارک میں قرآن پاک کی بےحرمتی کی سخت الفاظ میں مذمت کی گئی ہے۔
ترجمان دفتر خارجہ ممتاز زہرا بلوچ نے کہا کہ پاکستان ڈنمارک میں قرآن کی بےحرمتی کی شدید الفاظ میں مذمت کرتا ہے، یہ اقدام اسلام مخالف متعصب کی طرف سے کیا گیا جس نے چند روز قبل سوئیڈن میں یہی کیا تھا۔
انہوں نے کہا کہ اس گھناؤنے اقدام کا دوبارہ وقوعہ افسوسناک ہے، مسلمانوں پر واضح ہورہا ہے کہ آزادی اظہار کو مذہبی نفرت اور تشدد کے اشتعال کے لیے استعمال کیا جارہا ہے۔
