fbpx
ozIstanbul

پاکستان آذربائیجان کے ساتھ تجارتی ، دفاعی ، ثقافتی اور سیاحتی تعلقات میں مزید بہتری چاہتا ہے ، صدر پاکستان ڈاکٹر عارف علوی

پاکستان کے صدر ڈاکٹر عارف علوی نے کہا ہے کہ پاکستان آذربائیجان کے ساتھ تجارت ، دفاع ، ثقافت اور سیاحت میں تعلقات کو مزید تقویت دینا چاہتا ہے، پاکستان آذربائیجان کے ساتھ تعلقات کو انتہائی اہمیت دیتا ہے ۔

صدر عرف علوی نے ان خیالات کااظہاراسپیکر آذربائیجان پارلیمنٹ پروفیسر غفارووا سے گفتگوکرنے کے دوران کیا جنہوں نے جمعہ کو یہاں ان سے ملاقات کی۔

صدر مملکت نے کہا کہ پاکستان آذربائیجان کے ساتھ تجارت ، دفاع ، ثقافت اور سیاحت میں تعلقات کو مزید تقویت دینا چاہتا ہے، پاکستان آذربائیجان کے ساتھ تعلقات کو انتہائی اہمیت دیتا ہے ۔

انہوں نے کہا کہ دونوں ممالک مذہب ، اقدار ، ثقافت اور علاقائی اور بین الاقوامی امور پر مشترکہ خیالات کے حامل ہیں۔ صدر مملکت نے دوطرفہ تعاون مزید مستحکم کرنے کے لئے اعلی سطح پر سیاسی ، ثقافتی اور معاشی وفود کے تبادلے پر زور دیا۔

اس موقع پر سپیکر آذبائیجان نے کہا کہ اقتصادی ، سیاسی ، ثقافتی اور اسٹریٹجک سطح پر دونوں ممالک کے مابین روابط بڑھانے کی ضرورت ہے۔ دونوں ممالک کے عوام کے مابین روابط کے فروغ کیلئے ثقافتی تعلقات فروغ دینے کی ضرورت ہے۔ پروفیسر غفارووا نے کہا کہ آذربائیجان کے عوام اور سیاسی قیادت نگورنو کاراباخ پر حمایت کیلئے پاکستان کے شکرگزار ہیں۔ آذربائیجان کشمیر پر پاکستان کے موقف کی ہر سطح پر حمایت جاری رکھے گا۔

پچھلا پڑھیں

ترکی : اماسرا میں 135 بلین کیوبک میٹرز قدرتی گیس کے ذخائر دریافت

اگلا پڑھیں

یورپین چیمپین شپ: ترکش پیرا ایتھلیٹس نے 5 تمغے اپنے نام کر لیے

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے