متحدہ عرب امارت نے اسرائیل میں اپنے سفارتخانے کھول لیا۔
متحدہ عرب امارات (یو اے ای) اور اسرائیل کے درمیان سفارتی تعلقات گزشتہ سال 13 اگست کو بحال ہوئے تھے۔ جس کو ایک سال مکمل ہونے سے قبل ہی یو اے ای نے تل ابیب میں اپنے سفارتحانے کا افتتاح کر لیا۔
غیر ملکی میڈیا رپورٹس کےمطابق اسرائیل میں متحدہ عرب امارات کا سفارتخانہ تل ابیب میں کھولا گیا ہے جو تل ابیب اسٹاک ایکسچینج کی عمارت میں قائم ہے۔
اس سے قبل اسرائیل نے متحدہ عرب امارات میں اپنے سفارتخانے کا افتتاح کیا تھا۔
میڈیا رپورٹس کے مطابق سفارتخانے کے افتتاح کی تقریب میں نئے اسرائیلی صدر اور اماراتی سفیر بھی شریک تھے جنہوں نے سفارتخانے کے افتتاح کو دونوں ممالک کے درمیان بڑھتے ہوئے تعلقات کا اہم سنگ میل قرار دیا۔
اس موقع پر اسرائیلی صدر نے دونوں ممالک کے درمیان معاہدے کو تاریخی قرار دیا۔
