پاکستانی وزیر اعظم عمران خان سے برطانوی تجارتی بورڈ کےرکن لارڈ ڈینیئل حنان نے ملاقات کی، پنجاب کے گورنر محمد سرور بھی اس موقع پر موجود تھے،
وزیراعظم آفس کے میڈیا ونگ کی طرف سے جاری بیان کے مطابق لارڈ حنان نے وزیر اعظم عمران خان کی طرف سے ماحولیاتی تحفظ کیلئے شروع کیے گئےاقدامات، سرسبز پاکستان کے لیے ان کے وژن بلخصوص دس ارب درخت لگانے کے منصوبے، نیشنل پارکس اور جنگلی حیات کے تحفظ کے لیے اقدامات کو سراہا،
انہوں نے کہا کہ وزیر اعظم عمران خان کے ان اقدامات کو پوری دنیا میں سراہا جارہا ہے، لارڈ ڈینیئل گورنر پنجاب محمد سرور کی دعوت پر پاکستان کے دورے پر ہیں۔
