کورولش عثمان کے تیسرے سیزن کی پہلی قسط کا ٹریلر جاری

ترکی کا مشہور ڈراما سیریل کورلش عثمان جس کے دونوں سیزن پاکستان میں مقبول ہوئے اب اس کے تیسرے سیزن کا ٹریلر بھی ریلیز کردیا گیا ہے۔

اس سیزن میں عثمان کے روپ میں اداکار براق اوزچیویت ایک مرتبہ پھر اس کردار کو ادا کرنے کے لیے واپس لوٹ رہے ہیں۔

کورلش عثمان کا دوسرا سیزن ختم ہونے کے بعد ڈرامے کے ناظرین کو بے صبری سے اس کے تیسرے سیزن کا انتظار تھا۔

اب کورلش عثمان کے سیزن 3 کا ٹریلر انسٹاگرام اور یوٹیوب پر جاری کردیا گیا ہے۔

خیال رہے کہ کورلش عثمان کی شوٹنگ کورونا وائرس کی وبا کے دوران بھی تمام تر احتیاطی تدابیر کے ساتھ جاری رہی۔

ڈرامے کے پروڈیوسر محمت بوزداغ نے کہا تھا کہ کورلش عثمان مزید 5 سے 6 سال تک جاری رہے گا اور یقیناً اپنے عہد کے مقبول ترین ڈراموں میں سے ایک ہوگا۔