قازقستان کے صدر قاسم جومارت توکایف نے اتوار کے پارلیمانی اور صدارتی انتخابات کے نتائج پر اپنے ترک ہم منصب رجب طیب ایردوان کو مبارکباد پیش کی۔
ترکیہ کے کمیونیکیشن ڈائریکٹوریٹ نے ایک بیان میں کہا ہے کہ پیر کے روز ایردوان کے ساتھ ایک فون کال میں، توکایف نے کہا کہ انہیں امید ہے کہ انتخابی نتائج سے ترک عوام کو فائدہ پہنچے گا۔
اتوار کے انتخابی نتائج سے، ایردوان کا عوامی اتحاد پارلیمنٹ میں اکثریت حاصل کرنے کے لیے تیار ہے، جبکہ صدارتی دوڑ 28 مئی کو دوسرے راؤنڈ میں داخل ہو چکی ہے، حالانکہ ایردوان نے پہلے راؤنڈ میں برتری حاصل کر لی ہے۔
عوامی اتحاد کے مشترکہ امیدوار ایردوان اور ان کے قریب ترین حریف، حزب اختلاف کی مرکزی جماعت ریپبلکن پیپلز پارٹی (CHP) کے سربراہ اور چھ جماعتی اپوزیشن نیشن الائنس کے مشترکہ امیدوار کمال کلیچدار اولو کا مقابلہ دوسرے راؤنڈ میں ہوگا۔
اتوار کو لاکھوں ووٹروں نے ملک کے صدر اور اس کی 600 نشستوں والی پارلیمنٹ کے ارکان کے انتخاب کے لیے ووٹ ڈالے۔
