جاپان نے پاکستان کی معیشت میں بہتری لانے کے لیے 2.3ملین ڈالر کی امداد کا اعلان کر دیا ۔ تفصیلات لے مطابق جاپان ہیومن ریسورس ڈویلپمنٹ سکالرشپ پروجیکٹ کے لیے 2.3ملین ڈالر کی امداد دے گا ۔ پاکستانی سیکرٹری اقتصادی امور ڈویڑن سیکرٹری میاں اسد حیا الدین اور جاپانی ناظم الامور ایشی کینسو نے معاہدے پر دستخط کر دیے ۔
معاہدے کے مطابق جاپان جاپانی اعلیٰ یونیورسٹیوں میں پاکستانی افسران کو دو سال کے لیے ماسٹر ڈگری پروگرام کے لیے 17 اور ڈاکٹریٹ پروگرام کے لیے 03 سال کے لیے 1 اسکالرشپ فراہم کرے گی۔یہ پروگرام پہلی بار پاکستان میں 2018 میں متعارف کرایا گیا تھا۔ اس وقت سے لے کر اب تک جے ڈی ایس فیلو کے چار بیچ اس اسکالرشپ سے مستفید ہوچکے ہیں۔
وزارت اقتصادی امور کے مطابق پاکستان کے انسانی وسائل کی ترقی کے لیے اسکالرشپ کے منصوبہ کے تحت جاپانی گرانٹ ایڈ کے لیے وزارت اقتصادی امور میں دستخط کی تقریب منعقد ہوئی۔ جس کے تحت حکومت جاپان “مالی سال 2022 کے لیے ہیومن ریسورس ڈویلپمنٹ اسکالرشپ کے پروجیکٹ” کے لیے حکومت پاکستان کو 313 ملین جاپانی ین یعنی تقریباً23 لاکھ امریکی ڈالرکی امداد فراہم کرے گی۔
