استنبول: پاکستان کے وفاقی وزیر برائے مواصلات عبدالعلیم خان کا استنبول میں 5ویں وزارتی اجلاس برائے تجارت و خارجہ تجارت کے موقع پر ترکیہ کے وزیر تجارت نے پرتپاک استقبال کیا۔
ملاقات میں پاکستان اور ترکیہ کے درمیان تجارت، سرمایہ کاری، مواصلات اور باہمی اقتصادی تعاون کو فروغ دینے کے امور پر تبادلۂ خیال کیا گیا۔ دونوں وزراء نے دو طرفہ تعلقات کو مزید وسعت دینے اور خطے میں اقتصادی شراکت داری کو مضبوط بنانے کے عزم کا اعادہ کیا۔
فریقین نے اس بات پر بھی اتفاق کیا کہ دونوں ممالک کے درمیان بڑھتا ہوا تعاون نہ صرف باہمی تجارت میں اضافے کا باعث بنے گا بلکہ علاقائی ترقی اور استحکام میں بھی اہم کردار ادا کرے گا۔
