آئندہ سال سے ایک ترک کروز شپ کمپنی ملک کے تاریخی شہر استنبول سے مکہ مکرمہ تک عمرہ کے پر آسائش بحری سفر کا آغاز کرے گی۔
اے وائی کروز کے چیف ایگزیکٹو اسیٹن ایوے کے مطابق انکی کمپنی 2023 تک جہاز کے ذریعے عمرہ کا سفر شروع کرنے کا منصوبہ بنا رہی ہے۔استنبول جدہ کے سفر کے ساتھ مسلم دنیا کے بہت سے لوگ استنبول آئیں گے اور انہیں جہاز کے ذریعے عمرہ پر جانے کا موقع ملے گا۔ وہ کروز شپ کا سفر اور عمرہ دونوں کر سکیں گے۔یہ کہتے ہوئے کہ ترکی میں کروز شپ سیاحت کی بہت زیادہ صلاحیت ہے۔ سیٹن نے اس بات پر زور دیا کہ وہ استنبول-جدہ کے نئے روٹ کے ساتھ اس سلسلے میں ایک بڑا قدم اٹھا رہے ہیں۔انہوں نے مزید کہا کہ وہ اس منصوبے کو ڈیڑھ سال سے تیار کر رہے ہیں۔ 2023 میں، ہمارے استنبول-جدہ کےسفر مسلم منظور شدہ سیاحت کے تحت شروع ہوں گے۔
