شام کی عبوری حکومت کےسربراہ، احمد الشراع نے الزام عائد کیا ہے کہ، اسرائیل نے ایران کی ملیشیاؤں اور حزب اللہ کی موجودگی کو بہانہ بنا کر شام میں پیش قدمی کی، جبکہ انہوں نے اعلان کیا کہ، شام اسرائیل کے ساتھ بفر زون میں اقوام متحدہ کی افواج کے قیام کا خیر مقدم کرے گا۔
احمد الشراع کا کہنا تھا کہ، خطے میں اسرائیل کی پیش قدمی ایرانی ملیشیاؤں اور حزب اللہ کی موجودگی کے بہانے پر مبنی ہے، لیکن دمشق کی آزادی کے بعد یہاں ان کا کوئی وجود نہیں۔ یہ صرف اسرائیل کی جانب سے شامی علاقوں اور بفر زون میں پیش قدمی کا بہانہ ہے۔
