(رپورٹ: عبید الرحمن ہمدانی)
صدارتی انتخابات کے دوسرے مرحلے کی سرگرمیاں جاری، کلچدار اولو کی بھی امید اوزدا سے ملاقات
صدرترکیہ اور آق پارٹی کے چیئرمین رجب طیب ایردوان نے 14 مئی کو ہونے والے انتخابات میں آتا الائنس کے صدارتی امیدوار سنان اوعان سے دولماباغیچہ والے آفس میں ملاقات کی جو کہ انتہائی اہمیت کی حامل تھی۔ جبکہ دوسری طرف ملت اتحاد کے صدر کمال کلچدا اولو نے وکٹری پارٹی کے صدر امید اوزدا سے ملاقات کی۔
صدر ایردوان کی سنان اوعان سے ملاقات :
صدر رجب طیب ایردوان نے آتا الائنس کے صدارتی امیدوار سنان اوعان کا دولما باغیچہ والے آفس میں استقبال کیا۔ ملاقات تقریباً ایک گھنٹے تک جاری رہی مگر اس کی تفصیلات میڈیا کو جاری نہیں کی گئیں۔
ایوان صدر کی طرف سے جاری کردہ بیان کے مطابق صدر رجب طیب ایردوان کی آتا ’اے ٹی اے ‘ الائنس کے صدارتی امیدوار سنان اوعان سے ملاقات مکمل ہوگئی ہے۔ ملاقات کے بارے میں ابھی تک کوئی بیان سامنے نہیں آیا ہے۔
کلچدار اولو کی امید اوز داغ سے ملاقات:
نیشن الائنس کے صدارتی امیدوار اور نیشنل موومنٹ پارٹی کے چیئرمین کمال کلچدار اولو نے وکٹری پارٹی کے صدر امید اوزداغ سے ملاقات کی۔
1.5 گھنٹے کی ملاقات کے بعد، دونوں رہنماؤں نے ایک بیان دیا اور کلچدار اولو نے کہا کہ ترکی کو جمہوریت، یکجہتی اور مسائل پر قابو پانے کی ضرورت ہے۔
آتا ’اے ٹی اے ‘ الائنس کس کی حمایت کرے گا اس کے بارے میں بیان دیتے ہوئے، اوزداغ نے کہا کہ انہوں نے کچھ سوالات پوچھے اور کہا، "ہم اپنی مجاز کمیٹیوں کے ساتھ جو جواب موصول ہوئے ہیں اس کے فریم ورک کے اندر جائزہ لیں گے۔ ہم مختصر وقت میں اپنے خیالات کا اظہار کریں گے۔”
