فرانسیسی صدر میکرون کا اسلام مخالف بیانیہ کھلم کھلا اشتعال انگیزی ہے؛ ایردوان

ترک صدر نے ایک بیان میں کہا ہے کہ فرانسیسی صدر کا اسلام کے بارے میں حالیہ بیانیہ خطرناک حد تک اشتعال انگیزی کے مترادف ہیں۔

رجب طیب ایردوان نے ترکی کے دارالحکومت انقرہ کے نیشنل کنونشنل اینڈ کلچرل سنٹر میں منعقد مساجداور مذہبی کارکنوں کے ایک اجتماع سے خطاب کرتے ہوئے کہا کہ "ایک ایسے شہر جہاں مسلمانوں کی اکثریت ہے وہاں ” اسلام بحران کا شکار ہے ” جیسا بیان صدر میکرون کی جانب سے واضح اشتعال انگیزی اور بد تمیزی ہے۔
صدر ایردوان نے اپنے خطاب میں کہا ہے کہ ’’آیا صوفیہ کو عبادت کے لیے کھولنے کے فیصلے کی بدولت ترکی نے اپنی خود مختاری اور آزادی پر چھائے بادلوں کو ہٹا دیا ہے۔‘‘

ایردوان نے مزید کہا کہ فرانسیسی صدر کے اسلام کی تنظیم نو پر زور دینے والے بیانات نا قابل فہم ہیں ۔
گذشتہ جمعہ میکرون نے ملک میں نام نہاد "اسلام پسند علیحدگی پسندی” کے خلاف متنازعہ منصوبے کا اعلان کیا تھا۔

Read Previous

پرتگالی مڈ فیلڈر مینوئل فر نینڈس ترک سپر لیگ کی ٹیم ہیس کابلو کیسپورس میں شامل

Read Next

ترکی میں پانچویں استنبول ڈیزائن بینیل کی تیاریاں شروع

Leave a Reply