ترک تاریخی ڈرامہ سیریل ارطغرل غازی میں حلیمہ خاتون کا کردار اداکرنے والی اداکارہ اسرا بلگچ کی پاکستانی لباس میں تصاویر نے سوشل میڈیا پر دھوم مچادی ۔
اسر ا بلگچ کی یہ تصاویر معروف پاکستانی برانڈ کے لیے کیے گئے فوٹو شوٹ کا حصہ ہیں۔
اسرا نے پاکستان میں مقبولیت کے بعد متعدد پاکستانی برانڈز کے ساتھ برانڈ ایمبیسڈر کی حیثیت سے کام کیا ہے۔ ڈرامہ سیریل ارطغرل غازی گزشتہ سال رمضان میں پاکستانی سرکاری چینل پر اردو ڈب ورژن کے ساتھ نشر کیا جانا شروع ہوا تھا۔ وزیر اعظم پاکستان کی خصوصی ہدایت پر نشر ہونے کے بعد یہ ڈرامہ پاکستان بے حد مقبول ہو رہا ہے۔
