آذربائیجان کے وزیر ثقافت کا کہنا ہے کہ آذربائیجان فلمی صنعت میں ترکی کے بہترین تجربے سے فائدہ اْٹھانا چاہتا ہے۔
سال کے اختتامی جائزہ کے اجلاس سے خطاب کرتے ہوئے انار کریموف کا کہنا تھا کہ ترکی آذربائیجان کی فلموں کی مشترکہ پروڈکشن 2022 کے ایجنڈے کا حصہ ہوگی۔
انکا مزید کہنا تھا کہ عہدہ سنبھالنے کے بعد انہوں نے اپنا پہلا غیر ملکی دورہ ترکی کا کیا ،کریموف کا کہنا تھا کہ اپنے دورے کے دوران انہوں نے ترک حکام سے بہت سی چیزوں پر بات چیت کی جس میں سینما انڈسٹری بھی شامل ہے۔
انہوں نے مزید کہا کہ ہم فلموں کی مشترکہ پروڈکشن کی منصوبہ بندی کر رہے ہیں۔ ہمیں ترکی کے تجربے کو مدنظر رکھنا چاہیے۔ ترکی نے بہت کم وقت میں سینما کے شعبے میں بڑی کامیابیاں حاصل کی ہیں۔
انکا کہنا تھا کہ آذربائیجان کے ہدایت کار اور اداکار اتنے ہی اچھے ہیں جتنے کہ ترک ہدایت کار اور اداکار۔
تاہم انہوں نے اس بات پر زور دیا کہ ابھی کے لیے کچھ منصوبو ں پر بات کرنا قبل از وقت ہے۔
انہوں نے مزید کہا کہ ہم ترکی کے ساتھ مل کر فلمیں بنانا چاہتے ہیں اور یہ مشترکہ پروڈکشن ان فلموں کو نیٹ فلکس پر اسٹریم کرنے میں بھی مدد گار ثابت ہوگا۔
