ozIstanbul

روس کی مداخلت کے بعد آذربائیجان اور آرمینیا میں جنگ بندی پر اتفاق

خونریز جھڑپوں کے بعد آرمینیا اور  آذربائیجان کےدرمیان جنگ بندی پر اتفاق ہوگیا۔

دارالحکومت یریوان سے آرمینیا کی وزارت دفاع کے جاری بیان میں کہا گیا ہے کہ روس کی ثالثی میں جنگ بندی پر اتفاق ہوگیا ہے اور اب آرمینیا کی مشرقی سرحد پر صورتحال نسبتاً بہتر ہے۔

خیال رہے کہ  آذربائیجان اور آرمینیا کی افواج کے درمیان جھڑپوں میں 15 آرمینین فوجی ہلاک ہوئے تھے ۔

آرمینیا اور آزربائیجان کے درمیان ایک سال پہلے بھی شدید فوجی جھڑپیں ہوئی تھیں اور اس وقت بھی روس نے ہی دونوں ممالک کے درمیان ثالثی کروائی تھی۔

دونوں ممالک  کے درمیان ایک سال کے وقفے کے بعد پھر سرحدی جھڑپیں ہوگئ تھیں۔

غیرملکی خبر ایجنسی کے مطابق آرمینیا اور آذربائیجان کی جانب سے ایک دوسرے پر حملے کا الزام عائد کیا گیا ہے۔

تاہم مشرقی سرحد پرآرمینیا اور آذربائیجان کی افواج کے درمیان جھڑپوں میں 15 آرمینیائی فوجی ہلاک ہوئے۔

آرمینین حکام کے مطابق آذری فوج نے 12 آرمینیائی فوجیوں کو گرفتار کرلیا ہے جبکہ آرمینیائی وزارت دفاع نے کہا ہے کہ سرحدی جھڑپ میں آذری فوج کی جانب سے توپخانے، چھوٹے ہتھیاروں کا استعمال کیا گیا۔

رپورٹس کے مطابق آذری فوج نے جھڑپوں کے دوران 2 سرحدی چیک پوسٹیں بھی آرمینیائی قبضے سے چھڑا لی ہیں۔

دوسری جانب آرمینیا نے روس سے مدد کی درخواست کی اور زور دیا کہ روس 1987 کے دفاعی معاہدے کے تحت آرمینیا کے علاقوں کا دفاع کرے۔

پچھلا پڑھیں

سعودیہ کی طرف سے پاکستانیوں کے لیے 2 خوبصورت مساجد کا تحفہ

اگلا پڑھیں

شمال مشرقی ترکی میں سیکورٹی فورسز نے قدیم کتاب ضبط کرلی

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے