اسرائیلی پولیس نے مقبوضہ پروشلم کے قریبی علاقے شیخ جرح میں جاری پر امن احتجاج کے دوران ایک فلسطینی شہری کی گردن گھٹنے سے دبائی رکھی جبکہ شہری رحم کی بھیک مانگتا رہا لیکن بے رحم پولیس نے اس کی ایک نہ سنی۔
پولیس نے احتجاج کے شرکا کو منتشر کرنے کے لیے پانی کے ٹینک کا استعمال کیا جس کے نیتجے میں 4 شہری زخمی ہو گئے۔
سوشل میڈیا پر وائرل ہونے والی وڈیو میں واضح طور پر دیکھا جا سکتا ہے کہ پولیس نے بے دردی سے شہری کی گردن پر گھٹنا رکھا ہوا ہے جبکہ شہری رحم کی اپیل کر رہا ہے۔
رواں سال کے آغاز میں اسرائیلی عدالت نے سات فلسطینی خاندانوں کو بے گھر کرنے کا حکم دیا تاکہ وہاں اسرائیلی آباد ہو سکیں۔ جس پر بے گھر ہونے والے فلسطینی سراپا احتجاج ہیں۔
