جماعت اسلامی پاکستان کے ایک وفد نے آج اسلام آباد میں ترکی کے وزیر مذھبی امور جناب ڈاکٹر علی ارباش سے ملاقات کی۔ نائب امیر جماعت اسلامی پاکستان میاں محمد اسلم کی قیادت میں وفد میں ڈائیریکٹر امور خارجہ آصف لقمان قاضی، سابق امیر جماعت اسلامی آزاد جموں و کشمیر عبد الرشید ترابی اور اسلام آباد کے امیر نصراللہ رندھاوا شامل تھے۔
وفد کی ترجمانی کرتے ھوئے آصف لقمان قاضی نے ڈاکٹر علی ارباش اور ان کے ھمراہ دیگر مہمانوں کو پاکستان آمد پر خوش آمدید کہا اور کہا کہ ترکی اور پاکستان کے دوستانہ تعلقات گہرے اور دیرینہ ھیں اور اسلامی اخوت کی بنیاد پر قائم ھیں۔ ھمارے دلوں میں اپنے ترک بھائیوں کے لئے محبت اور احترام کے جذبات ھیں۔انہوں نے امت مسلمہ کے سلگتے مسائل میں عالمی سطح پر مسلمانوں کی ترجمانی کرنے پر ترک حکومت اور صدر رجب طیب اردگان کو خراج تحسین پیش کیا۔
آصف لقمان قاضی نے کشمیر اور فلسطین کے مظلوم مسلمانوں کی پشتیبانی کرنے پر ترک حکومت کا شکریہ ادا کیا۔ انہوں نے اسلامو فوبیا اور حرمت رسول صلی اللہ علیہ وسلم جیسے موضوعات پر مغربی دنیا کے سامنے مسلمانوں کا موقف واضح انداز میں پیش کرنے پر ترک حکومت کے کردار کو سراھا۔ جناب عبد الرشید ترابی نے کہا کہ بھارتی حکومت مقبوضہ کشمیر کی آبادی میں مسلمانوں کے تناسب کو کم کرنے کی کوشش کر رھی ھے اور باھر سے افراد کو کشمیر میں بسایا جا رھا ھے۔
بھارت نے کشمیر میں وہ طریقے اختیار کئے ھیں جو اسرائیل فلسطین میں کر رھا ھے۔ او آئ سی مارچ میں ھونے والے اجلاس میں کشمیر پر اصولی موقف کو واضح کرے۔ اس موقع پر ترک وزیر مذھبی امور نے کہا کہ پاکستان اور ترکی برادر مسلم ممالک ھیں اور بین الاقوامی امور پر پاکستان اور ترکی میں مکمل ھم آھنگی ھے۔ انہوں نے کہا کہ کشمیر اور فلسطین پر اقوام متحدہ کی قرار دوں کو پس پشت ڈالا گیا ھے، جس پر ھمیں تشویش ھے۔ جماعت اسلامی کے ساتھ ھمارا دیرینہ تعارف ھے اور اس کا آغاز اس وقت ھوا جب ڈاکٹر نجم الدین اربکان مرحوم عوامی تقریبات میں جماعت اسلامی کے قائدین کو مدعو کیا کرتے تھے۔
انہوں نے کہا کہ ھم نوجوانوں کو مولانا مودودی کی تفسیر قرآن کا مطالعہ کرنے کی تلقین کرتے ھیں اور تفاسیر قرآن میں سے تفہیم القرآن ترک نوجوانوں میں سب سے مقبول تفسیر ھے۔ انہوں نے کہا کہ مولانا مودودی اور ڈاکٹر نجم الدین اربکان کی شخصیات کی وجہ سے مسلمان ممالک میں امت کا تصور اجاگر ھوااور مسلمانوں کی رھنمائ کے لئے دونوں شخصیات نے تاریخی کردار ادا کیا۔ اس موقع پر ترک وفد میں نائب وزیر مذھبی امور جناب ڈاکٹر سلیم ارگون اور ڈائیریکٹر تعلقات خارجہ وزارت مذھبی امور جناب اردل اتالائ بھی موجود تھے۔
ترکی کے سرکاری ادارہ برائے مزہبی امور (دیانت) کے صدر ڈاکٹر علی ارباش نے اسلام آباد میں ترکی سے فارغ التحصیل طلباء کی تنظیم (ٹیولپ) کے صدر سیف الاسلام خان اور ٹرسٹی ممران سے ملاقات کی۔
ملاقات میں دوسرے موضوعات کے علاوہ خاص طور پر پاکستانی طالبعلموں کے ترکی میں تعلیمی مواقعوں کے بارے میں بات چیت ہوئی۔ ڈاکٹر علی ارباش نے ترکی المنائی (ٹیولپ) کے کردار کو سراہتے ہوئے کہا کہ یہ تنظیم دونوں ممالک کے ثقافتی اور اقتصادی تعلقات کو فروغ دینے میں اہم کردار ادا کر سکتی ہے۔ ملاقات میں مذہبی امور (دیانت) کے نائب صدر ڈاکٹر سلیم آرگن اور ترکی المنائی (ٹیولپ) کے ٹرسٹی ممران محمد انس خان، جمیل احمد قریشی، حفیظ الرحمان ، وقاص بشیر خان نے بھی شرکت کی۔
ملاقات کے اختتام پر المنائی کے صدر سیف لاسلام خان نے ڈاکٹر علی ارباش اور ڈاکٹر سلیم آرگن کو یادگاری شیلڈیں پیش کیں۔
