ترکیہ کے سفیر عرفان نذیر اوغلو نے وزیرِ اعظم ہاؤس میں وزیرِ اعظم پاکستان سے ملاقات کی۔ ملاقات میں پاکستان اور ترکیہ کےتاریخی اور برادرانہ تعلقات کا ذکر کرتے ہوئے وزیرِ اعظم پاکستان نے کشمیر پر ترکیہ کی مستقل حمایت کا شکریہ ادا کیا اور کہا کہ پاکستان بھی ترکیہ کے مفادات میں اپنی حمایت جاری رکھے گا۔
ملاقات میں علاقائی صورتحال پر بھی تبادلہ خیال کیا گیا، جس میں خاص طور پر غزہ اور مشرق وسطیٰ کی حالیہ صورتحال کو زیر بحث لایا گیا۔ ملاقات میں پاکستان اور ترکیہ کے درمیان بڑھتے ہوئے باہمی تعاون پر اطمینان کا اظہار کرتے ہوئے تجارت، سرمایہ کاری اور دفاع کے شعبوں میں مزید تعاون بڑھانے کی ضرورت پر زور دیا۔
ترکیہ کے سفیر عرفان نیزیراوغلو نے پاکستان اور ترکیہ کے مضبوط اور تاریخی تعلقات کو مزید مستحکم کرنے کے لیے اپنی بھرپور وابستگی اور حمایت کی یقین دہانی کرائی۔
