اسرائیل نے تعلقات معمول پر آنے کے تین سال بعد بحرین میں باضابطہ طور پر اپنا سفارتخانہ کھولا ہے۔
اسرائیلی وزیر خارجہ ایلی کوہن نے بحرین کے دورے کے دوران سفارتی مشن کی سرکاری افتتاحی تقریب میں شرکت کی جس میں تاجروں اور سرکاری عہدیداروں کا ایک وفد شریک تھا۔
ایلی کوہن نے تقریب میں کہا کہ ’بحرینی ہم منصب اور میں نے اس بات پراتفاق کیا ہے کہ ہمیں براہ راست پروازوں کی تعداد، سیاحت، تجارتی حجم اور سرمایہ کاری کو بڑھانے کےلیے مل کر کام کرنا چاہیے‘۔
بحرین کے وزیرخارجہ عبداللطیف الزیانی نے کہا کہسفارتخانے کا افتتاح خطے کے تمام افراد کی سلامتی اور خوشحالی کےلیے ہمارے مشترکہ عزم کی نشاندہی کرتا ہے۔
بحرین اور اسرائیل کے درمیان معمول کے تعلقات کی بحالی کا معاہدہ ان معاہدوں کا حصہ تھا جسے ابراھم اکارڈ کہا جاتا ہے جس پر متحدہ عرب امارات، مراکش اور سوڈان نے بھی دستخط کیے تھے۔
