صدر ایردوان کی دعوت پر وزیر اعظم محمد شہباز شریف 3 جون 2023 بروز ہفتہ صدر ایردوانکی تقریب حلف برداری میں شرکت کے لیے انقرہ پہنچ گئے ہیں۔
انقرہ ایسن بوگا ایئرپورٹ پرترکیہ میں پاکستان کے سفیر ڈاکٹر یوسف جنید سمیت سینئر حکومتی اور سفارتی حکام نے وزیراعظم پاکستان کا پرتپاک استقبال کیا۔
وزیراعظم کے ہمراہ وزیر اطلاعات و نشریات مریم اورنگزیب اور وزیراعظم کے معاون خصوصی طارق فاطمی بھی ہیں۔
اپنے قیام کے دوران وزیراعظم توانائی، انفراسٹرکچر، فوڈ پروسیسنگ اور اشیائے صرف کے شعبوں کی نمائندگی کرنے والے ممتاز کاروباری رہنماؤں سے بھی ملاقات کریں گے۔
اس سے قبل پاکستان میں ترکیہ کے سفیر مہمت پچاجی نے وزیر اعظم پاکستان کو اسلام آباد ائیرپورٹ سے ترکیہ کے لیے روانہ کیا ۔
