پاکستان میں ترکیہ کے سفیر مہمت پاجاجی کا کہنا ہےکہ ترکیہ اور پاکستان کی عوام کے درمیان مضبوط رشتہ موجود ہے، ترکیہ کی عوام کی جانب سے پاکستان کے لیے ہر طرح کی انسانی امداد بھیجنے کی کوشش جاری ہے۔ ترکیہ اس نازک موڑ پرپاکستانی بھائیوں اور بہنوں کے ساتھ کندھے سے کندھا ملا کر کھڑا ہے۔
ان خیالات کا اظہار ترک سفیر نے ترک سفارتخانے میں منعقد ہونے والی ایک پریس کانفرنس سے خطاب کرتے ہوئے کیا۔
اے ایف اے ڈی کے نائب صدر نے میڈیا کے نمائندوں سے بھی بات کی اور اپنی تنظیم کی کاوشوں پر روشنی ڈالی۔
اے ایف اےڈی کے نائب صدر نے تقریب سے بات کرتے ہوئے کہا کہ 3 کروڑ سے زیادہ لوگ سیلاب سے بری طرح متاثر ہوئے ہیں، ایک ہزار سے زیادہ لوگ اپنی جانیں گنوا چکے ہیں، لاکھوں گھر تباہ ہو چکے ہیں، اور ہزاروں جانور مون سون کی وجہ سے آنے والی سیلاب کی تباہ کاریوں میں ہلاک ہو چکے ہیں۔
سیلاب کی تباہ کاریوں سے تقریباً 35 ارب ڈالر کا مالی نقصان ہوا ہے۔
انکا مزید کہنا تھا کہ خطے میں انسانی امداد بھیجنے کے لیے ترکیہ کی وزارت ٹرانسپورٹ کے تعاون سے گوڈنیس ٹرین بھی قائم کی گئی ہے اور ترکیہ کی وزارت قومی دفاع کے تعاون سے ایک ہوائی پل بھی قائم کیا گیا تھا۔
اس کے علاوہ ایک اور پاکستان گڈنیس شپ کی تیاریاں شروع کر دی گئی ہیں جو ترکیہ سے روانہ ہوگی۔
ان امدادی پلوں کے علاوہ، اے ایف ای ڈی پریذیڈنسی کے اہلکاروں نے پاکستان میں کاموں کو مربوط کرنے اور مقامی لوگوں سے انسانی امداد وصول کرنے کے عمل کو یقینی بنانے کے لیے اگست تک چارج سنبھالا۔
انہوں نے کہا ہے کہ 19 اکتوبر تک، امداد لے جانے والے کل 15 طیارے، 13 گڈنیس ٹرین نے پاکستان میں امداد کی سپلائی کی ہے۔
ترکیہ سے سیلاب کی تباہ کاریوں کے بعد 28 اگست 2022 کو انسانی امداد کا پہلا طیارہ پاکستان پہنچا۔
اب تک ترکیہ سے بھیجے گئے 15 طیاروں پر مجموعی طور پر 227 ٹن انسانی امداد (زیادہ تر طبی مصنوعات) کا سامان پہنچایا جا چکا ہے۔
انکا کہنا تھا کہ ہماری اے ایف اے ڈی پریذیڈنسی کے تعاون کے تحت، ہماری 22 این جی اوز کے ساتھ، 13 گڈنیس ٹرینوں پر کل 334 ویگنیں، جن میں خیمے اور انسانی امداد کے سامان شامل ہیں پاکستان پہنچ چکی ہیں۔
امدادی سامان پاکستان کے بلوچستان ریجن کے دارالحکومت کوئٹہ میں لاجسٹک گودام تک پہنچایا جاتا ہے اور پھر NDMA (پاکستان نیشنل ڈیزاسٹر مینجمنٹ اتھارٹی) کے تعاون سے ٹرکوں کے ذریعے متاثرہ علاقوں میں پہنچایا جاتا ہے۔
انہوں نے کہا کہ آفت زدگان میں 51.380 سے زیادہ فوڈ پیکجز تقسیم کیے گئے ہیں اور ان کی تقسیم کا کام تباہ شدہ علاقوں میں جاری ہے۔
مجموعی طور پر اے ایف اے ڈی پریذیڈنسی کے تعاون سے 44 مختلف علاقوں میں 35.152 خیمے لگائے گئے اور بھیجے گئے۔ ان علاقوں میں تقریباً 251 ہزار لوگ رہتے ہیں۔
انہوں نے مزید کہا کہ کل 77 اہلکاروں (اے ایف اے ڈی کے 19 اہلکار، 3 ہیلتھ ٹیمیں اور 53 این جی او کے نمائندے، 2 ماہرین تعلیم) پاکستان میں بھیجے گئے امدادی سامان کی تقسیم کو مربوط کرنے اور امدادی سرگرمیوں میں مدد کرنے کے لیے کام کر رہے ہیں۔
