کورونا وائرس کی نئی قسم اومریکون کے خطرے کے پیش نظر ترکی سے موروکو جانے والی پروازوں کو 2 ہفتوں کے لیے معطل کر دیا گیا۔
موروکو نے کورونا کی نئی قسم اومریکون کے باعث دنیا میں پھیلتے ہوئے خطرے کےپیش نظر 30 نومبر سے 13 دسمبر تک تمام پروازیں معطل کرنے کا فیصلہ کر لیا ہے۔
ترکش ائیر لائنز کا کہنا ہے کہ ہماری فلائٹس کورونا وائرس کے باعث معطل کر دی گئیں ہیں تاکہ کورونا کے پھیلاو کو روکا جا سکے۔
پیگاس ائیر لائن کا کہنا ہے کہ وہ 13 دسمبر کو موروکو کے لیے اپنی پروازیں شروع کریں گے۔
ترکی نے بھی افریقی ممالک پر سفری پابندیاں عائد کرنے کا فیصلہ کر لیا ہے کیونکہ ان ملکوں میں کورونا کی نئی قسم کے پھیلنے کا خدشہ زیادہ ہے۔
