اسرائیلی پولیس نے حائفہ میں ایک عرب نوجوان کو پولیس پر حملہ آور ہونے کے الزام میں ہلاک کر دیا۔
پولیس کا کہنا ہے کہ انہیں ایک خاتون کی کال آئی کہ اس کا بیٹا سڑک پر چاقو لیے گھوم رہا ہے۔ پولیس نے جب منیر انابتوی کو روکنے کی کوشش کی تو اس نے پولیس اہلکار پر چاقو سے حملہ کیا۔
دوسری جانب منیر کی فیملی کا کہنا ہے کہ یہ جھوٹ ہے کہ ان کا بیٹا سڑک پر چاقو لیے نہیں گھوم رہا تھا۔ منیر ذہنی طور پر بیمار تھا اور اس کا علاج جاری رتھا۔
منیر کی بہن نے میڈیا سے گفتگو کرتے ہوئے کہا کہ میرے بھائی کو ناحق قتل کیا گیا ہے۔ ہم خاموش نہیں بیٹھیں گے۔ وہ بیمار تھا پولیس جھوٹ پر مبنی بیانات دینا بند کرے۔
ہماری مدد کرنے کی بجائے پولیس نے میرے بھائی کو قتل کر دیا۔ یہ پولیس کی ناکامی ہے جسے ذہنی امراض کا شکار افراد کو قتل کرنے کے سوا کچھ نہیں آتا۔
