ترک تاریخی ڈرامہ سیریل ارطغرل غازی کے ہیرو انگین التان دورزیاتان نے پاکستانی بزنس مین کاشف ضمیر کے ساتھ کیا گیا معائدہ منسوخ کر دیا۔
انگین نے باقاعدہ طور پر پریس ریلیز جاری کی اور معائدے کی منسوخی کا اعلان کرنے کے ساتھ ساتھ مستقبل میں بھی چودھری گروپ آف انڈسٹریز کے ساتھ کسی بھی قسم کا تعلق نا رکھنے کا اعلان کیا۔
ان کا کہنا تھا کہ پاکستانی میڈیا میں معائدے کے متعلق خبروں کے باوجود انہوں نے اور ان کی ٹیم نے معائدے پر درج شرائط و ضوابط پر عمل درامد کرنا جاری رکھا۔ لیکن چودھری گروپ آف انڈسٹریز کے ایم ڈی اور مینجنگ ڈائریکٹر کاشف ضمیر کے پاکستانی میڈیا پر جھوٹے بیانات پر ہمیں افسوس ہوا۔
انگین نے بتایا کہ کاشف ضمیر نے معائدے میں درج شرائط کو پورا نہیں کیا اور کمپنی مقرر کردہ رقم کا نصف حصہ پریس کانفرنس سے پہلے ادا کرنے کی پابند تھی لیکن ایک ماہ گزر جانے کے باوجود رقم کی ادائیگی نہیں کی گئی۔ لہذا ہم اس معائدے کو منسوخ کرتے ہیں۔
تاہم دورہ پاکستان کے دوران مجھے پاکستانیوں کی ترکی کے لیے محبت کا اندازہ ہوا اور پاکستان جیسا خوبصورت ملک دیکھنے کا موقع ملا۔
اداکار نے جلد ہی پاکستان دوبارہ آنے کی خواہش کا بھی اظہار کیا ۔
