وزارت دفاع کا کہنا ہے کہ تیسرا ترک طیارہ تلاش اور امدادی ٹیموں اور انسانی بقا کا سامان لے کر لیبیا کے لیے روانہ ہو گیا ہے تاکہ شدید طوفان اور تباہ کن سیلاب کے بعد اپنے بھایئوں کی مدد کی جا سکے۔
انکا کہنا تھا کہ ہم دوست اور برادر ملک لیبیا کو تلاش اور امدادی ٹیمیں اور امدادی سامان پہنچانا جاری رکھے ہوئے ہیں۔
مشرقی لیبیا میں طوفان کی وجہ سے آنے والے سیلاب کے بعد 3,000 سے زیادہ افراد ہلاک ہو چکے ہیں اور بہت سے لوگ لاپتہ ہیں۔
انٹرنیشنل فیڈریشن آف ریڈ کراس اور ریڈ کریسنٹ نے پیر کو سیلاب کے نتیجے میں لاپتہ ہونے والوں کی تعداد 10,000 بتائی ہے۔
طاقتور طوفان سے ہونے والی طوفانی بارشوں نے اتوار کے روز مشرقی لیبیا کے کئی علاقوں کو اپنی لپیٹ میں لے لیا، جن میں خاص طور پر بن غازی، البیضا اور المرج شہر کے علاوہ سوسا اور درنا شامل ہیں۔
