ایک حالیہ تحقیق کے مطابق دنیا کی 20 فیصد سے زیادہ آبادی کسی نا کسی بیماری میں مبتلا ہے اور اگر وہ ناول کورونا وائرس سے متاثر ہوتے ہیں تو ان میں کوویڈ 19 کی علامات شیدت اختیار کر سکتی ہیں۔
دی لانسیٹ میڈیکل جریدے میں شائع ہونے والے مطالعے کے مطابق ، ایک تخمینے کے مطابق 1.7 بلین افراد یا عالمی آبادی کے 22 فیصد افراد میں “کم از کم ایک ایسی بیماری موجود ہے جو ان میں متاثر ہونے پر شدید کوویڈ 19 کا خطرہ بڑھاتا ہے۔
اس میں مزید کہا گیا کہ ” خطرے سے دوچار افراد کی تعداد کا اندازہ دائمی گردوں کی بیماری ، ذیابیطس ، قلبی امراض اور سانس کی دائمی بیماری کے پائے جانے سے کیا گیا۔
محققین نے بتایا کہ تحقیق میں ان افراد کی تعداد کا تحمینہ لگانے کے لئے صحت کی بنیادی حالتوں پر غور کیا گیا جنھیں عالمی وبائی مرض کی وجہ سے طبی امداد دینے یا ویکسین لگانے کی ضرورت پڑسکتی ہے۔
چین کے شہر ووہان میں گذشتہ دسمبر آغاز کے بعد ، یہ وائرس کم سے کم 188 ممالک اور خطوں میں پھیل گیا ہے۔ عالمی سطح پر 8.04 ملین سے زائد تصدیق شدہ انفیکشن کیسز اور 437،100 اموات ریکار کی گئیں ، جبکہ صحت یاب ہونے والوں کی تعداد 3.88 ملین سے زیادہ ہے۔
