ترکیہ کے صوبہ، بولو کے کارتا لکیاسکائی ریزورٹ کے ایک ہوٹل میں آگ لگنے سے جانی نقصان کے بعد عالمی ر ہنما رنج وغم کا اظہار کر رہے ہیں۔
جرمن چانسلر ،اولاف شولز اور وزیر خارجہ۔ انالینا بیئربوک نے سماجی رابطے کی ویب سائٹ ایکس پر اپنے پیغام میں زخمیوں کی جلد صحت یابی کے لیے نیک خواہشات کا اظہار کیا ہے۔
فرانس کے وزیر خارجہ، جین نوئل باروٹ نے اپنے ایکس اکاؤنٹ پر ایک بیان میں کہا کہ، فرانس ترکیہ کے عوام کے سوگ میں شریک ہیں۔
شام میں نئی انتظامیہ کی وزارت خارجہ کی جانب سے شیئر کیے گئے تعزیتی پیغام میں کہا گیا ہے کہ، برادر ملک ترکیہ کے عوام ہمیشہ ہمارے ساتھ رہے ہیں اور ہمارے مشکل ترین لمحات میں ہمارا ساتھ دیا ہے ،ہم شامی اپنے ترک بھائیوں کے ساتھ کھڑے ہیں اور چاہتے ہیں کہ، وہ اس مشکل وقت پر جلد از جلد قابو پا لیں۔
چیک وزیر اعظم ،یٹر فیالا، سلوواکیا کے وزیر خارجہ، جوراج بلانر اور وینزویلا کے وزیر خارجہ ،یوان گل نے بھی اپنی سوشل میڈیا پوسٹس میں گہرے دکھ اور افسوس کا اظہار کیا ہے۔
کولومبیا کی وزارت خارجہ کی جانب سے بیان میں کہا گیا ہے کہ، وہ جمہوریہ ترکیہ کی حکومت اور عوام کے ساتھ اظہار یکجہتی کرتے ہیں۔
بحرین، مصر، الجزائر اور عراق نے صوبہ، بولو کارتا لکیاسکائی ریزورٹ میں لگنے والی آگ میں جاں بحق ہونے والوں کے لیے تعزیتی پیغامات شیئر کیے ہیں۔
