لاہور — ترکیہ اور آذربائیجان کے اعلیٰ پارلیمانی وفود نے لاہور میں پاکستان کے قومی شاعر اور مفکرِ اسلام علامہ محمد اقبالؒ کے مزار اور تاریخی لاہور قلعے کا دورہ کیا۔
ترک پارلیمنٹ کے اسپیکر نے اپنے معزز ہم منصب، آذربائیجان کی نیشنل اسمبلی کی صدر محترمہ صاحبہ غفاروا کے ہمراہ مزارِ اقبال پر حاضری دی، پھولوں کی چادر چڑھائی اور فاتحہ خوانی کی۔
اس موقع پر ترک اسپیکر نے کہا:
“ہم نے پاکستان کے قومی شاعر، فلسفی اور عظیم اسلامی مفکر علامہ محمد اقبال کے مزار کا دورہ کیا، جنہوں نے چاناق قلعہ اور جنگِ آزادی کے دوران ترک قوم کا ساتھ دیا، اور امتِ مسلمہ کے لیے عزت، انصاف اور ترقی کا پیغام دیا۔ اللہ اُن کی روح کو سکون عطا فرمائے۔”
بعد ازاں وفود نے لاہور قلعے کا بھی تفصیلی دورہ کیا اور مغل دور کی تاریخی و ثقافتی وراثت میں گہری دلچسپی کا اظہار کیا۔
یہ دورہ پاکستان، ترکیہ اور آذربائیجان کے درمیان تاریخی، ثقافتی اور روحانی رشتوں کے استحکام کی علامت قرار دیا گیا۔
