امریكہ نے اسرائیل كو 3 ارب ڈالر كا اسلحہ دینے كی منظوری دے دی ہے۔ امریکی ڈیفنس سکیورٹی کوآپریشن ایجنسی کا کہنا ہےکہ امریکی وزیر خارجہ مارکو روبیو نے اسرائیل کو 2.4 ارب ڈالر کے باڈیزبم اور دیگر ہتھیاروں کی فروخت پر دستخط کردیے ہیں جب کہ 675.7 ملین ڈالر کے دیگر بموں، کٹس اور 295 ملین ڈالر کے بلڈوزرز سمیت دیگر سامان فروخت کرنے کے معاہدے پر بھی دستخط کردیے ہیں۔
امریکی ڈیفنس ایجنسی کا کہنا ہےکہ اسرائیل کا تحفظ امریکی قومی سلامتی کے لیے انتہائی اہم ہے۔ وزیر خارجہ اسرائیل کو مزید اسلحہ کی فروخت کے لیے پرعزم ہیں جس کی انہوں نے تفصیلی وضاحت دیتے ہوئے اسے اسرائیلی حکومت کی فوری ضرورت قرار دیا اور کہا کہ اسرائیل کو ڈیفنس سروسز اور دیگر چیزوں کی فراہمی امریکا کے قومی مفاد میں ہے۔
Tags: ارب ڈالر اسلحہ دینے كی منظوری امریکی ڈیفنس سکیورٹی کوآپریشن ایجنسی امریکی وزیر خارجہ مارکو روبیو
