امریکی محکمہ خارجہ کے ترجمان کا کہنا ہے کہ روس یوکرین تنازعے کا سفارتی حل تلاش کرنے میں ترکی کے کردار کو امریکہ خیر مقدم کرتا ہے۔
انکا کہنا تھا کہ ہم اس کا خاص طور پر اس لیے خیر مقدم کرتے ہیں کیونکہ ہمارے ترک اتحادیوں نے امریکہ کے ساتھ مکمل ہم آہنگی اور مشاورت کے ساتھ ایسا کیا ہے۔
انہوں نے کہا کہ امریکی صدر جو بائیڈن کو جنوبی ترکی میں انطالیہ ڈپلومیسی فورم کے موقع پر جمعرات کو انقرہ، ماسکو اور کیف کے درمیان سہ فریقی اجلاس کے بعد ترک صدر رجب طیب ایردوان سے بات چیت کرنے کا موقع بھی ملا۔
امریکی وزیر خارجہ انٹونی بلنکن نے ملاقات سے قبل ترک وزیر خارجہ میلوت چاوش اولو سے ٹیلیفونک رابطہ بھی کیا۔
انہوں نے مزید کہا کہ لہذا کوئی بھی سفارتی کوشش جس طرح ہم نے روسی فیڈریشن کے ساتھ اپنی سفارت کاری کی تھی، یعنی اپنے اتحادیوں اور شراکت داروں کے ساتھ مکمل مشاورت اور ہم آہنگی کے ساتھ، یہ وہ چیز ہے جس کا ہم خیر مقدم کرتے ہیں۔
