ترکی اور متحدہ عرب امارات نے دوطرفہ دفاعی تعاون کو مضبوط بنانے پر تبادلہ خیال کیا۔
امارات کی سرکاری خبر رساں ایجنسی کے مطابق، متحدہ عرب امارات کے وزیر مملکت برائے دفاعی امور محمد بن احمد البواردی نے ابوظہبی میں ترکی کے سفیر توگے تنصرسے ملاقات کی۔
احمد البواردی نے دونوں دوست ممالک کے درمیان تمام شعبوں میں خاص طور پر دفاع میں گہرے تعلقات پر زور دیا۔
انہوں نے دونوں ممالک کے مفاد کے لیے اپنے دفاعی اور فوجی تعاون کو مضبوط بنانے کے طریقوں پر تبادلہ خیال کیا۔
انہوں نےدونوں ممالک کے مفاد کے لیے اپنے دفاعی اور فوجی تعاون کو مضبوط بنانے کے طریقوں پر تبادلہ خیال کیا۔
ترک سفیر نے ترکی کے متحدہ عرب امارات کے ساتھ دوطرفہ تعلقات کو فروغ دینے اور مشترکہ تعاون کے نئے امکانات کھولنے کی خواہش کا اظہار کیا۔
ایک ٹویٹ میں، متحدہ عرب امارات کی وزارت دفاع نے کہا کہ الباوردی نے متحدہ عرب امارات اور ترکی کے درمیان مختلف شعبوں میں دوستی کی گہرائی پر زور دیا، خاص طور پر دفاعی اور فوجی میدان میں، اور موجودہ تعلقات کو بہتر بنانے کی اہمیت پر بھی زور دیا گیا۔
ترکی اور عرب دنیا کے درمیان تعلقات برسوں کے کشیدہ تعلقات کے بعد بہتری کی طرف آنا شروع ہو گئے ہیں۔
پچھلے سال کے آخر میں ، ابو ظیبی کے ولی عہد محمد بن زید النیہان نے انقرہ کا دورہ کیا اور ترکی میں سرمایہ کاری کے لیے 10 بلین ڈالر کے فنڈ کا اعلان کیا۔
ترکی اور متحدہ عرب امارات نے اس دورے کے دوران توانائی، ماحولیات، مالیات اور تجارت سے متعلق متعدد معاہدوں پر دستخط بھی کیے۔
جب کہ وزیر خارجہ میلوت چاوش اولو نے گزشتہ دسمبر میں متحدہ عرب امارات کا دورہ کیا تھا، صدر رجب طیب ایردوان بھی اس ماہ خلیجی ملک کا سرکاری دورہ کریں گے۔
حکام نے کہا ہے کہ ترکی تمام خلیجی ممالک کے ساتھ تعلقات کو مضبوط بنا رہا ہے، اور کسی بھی غلط فہمی کو دور کرنے کے لیے بات چیت کے لیے تیار ہے۔
