صدر ایردوان نے اتاترک ہوائی اڈے پر فتح استنبول کی 569 ویں سالگرہ کی تقریب میں شرکت کی
تقریب سے خطاب کرتے ہوئے صدر ایردوان کا کہنا تھا کہ دہشت گردوں کے خاتمے تک شمالی شام میں آپریشن جاری رکھیں گے
صدر کا کہنا تھا کہ "ہم شمالی شام میں دہشت گردوں کے خلاف جنگ لڑ رہے ہیں اور ہم یہ جنگ اس وقت تک جاری رکھیں گے جب تک انہیں جڑ سے اکھاڑ نہیں پھینکیں گے ۔
ترکی نے اتوار کے روز استنبول پر عثمانی فتح کی 569 ویں سالگرہ منائی اور اسے ایک نئے دور کی شروعات قرار دیا۔
صدر ایردوان نے خطاب کرتے ہوئے کہا کہ استنبول کی فتح دانشمندانہ منصوبوں، عظیم کوششوں، ہنر مندانہ تیاریوں، بے مثال قربانیوں اور پختہ عزم کا نتیجہ ہے۔
تقریب کے دوران اتاترک ایئرپورٹ نیشن گارڈن میں پہلا پودا لگانے کی تقریب کا بھی انعقاد کیا گیا۔ صدر ایردوان نے گارڈن میں پہلا پودا لگایا ۔
استنبول شہر کا 1453 میں عثمانی سلطان محمد ثانی کی فتح سے پہلے تاریخ میں 28 بار محاصرہ کیا گیا ۔
