ترکیہ کے پہلے نیو کلئیر پاور پلانٹ (این پی پی) کی تعمیر کے پہلے 5 سال مکمل ہونے کے بعد ملک اب اسکے آغاز کا بے صبری سے انتظار کر رہا ہے۔
ترکیہ کے پہلے پاور پلانٹ کی فیولنگ 27 اپریل کو ہوگی اورپلانٹ جوہری ایندھن کے ساتھ، اقویو پلانٹ ایک جوہری توانائی کی سہولت بن جائے گا۔
پلانٹ کا پہلا یونٹ اس سال کام شروع کر رہا ہے، بقیہ 3 یونٹ 2026 کے آخر تک کام کا آغاز کریں گے۔
مکمل ہونے پر، پلانٹ میں چار VVER-1200 پاور ری ایکٹر ہوں گے، جن کی کل نصب صلاحیت 4,800 میگاواٹ ہوگی۔
یہ ہر سال 35 بلین کلو واٹ گھنٹے بجلی پیدا کرے گا اور ملک کی بجلی کی کھپت کا تقریباً 10 فیصد پورا کرے گا۔
بیس لوڈ پلانٹ، جس میں مزید 20 سال کی توسیع کے ساتھ 60 سال کی سروس لائف ہوگی یہ چوبیس گھنٹے کاربن سے پاک توانائی پیدا کرے گا۔
پلانٹ کے مکمل طور پر کام کرنے کے بعد، تقریباً 4,000 افراد کے روزگار کی توقع ہے۔
جنوبی صوبے مرسین میں واقع پلانٹ کے لیے ایک بین الحکومتی معاہدے پر مئی 2010 میں ترکیہ اور روس کے درمیان دستخط کیے گئے تھے۔ پلانٹ کی سنگ بنیاد کی تقریب 3 اپریل 2018 کو منعقد ہوئی جس کے بعد پہلے یونٹ کی تعمیر شروع ہوئی۔
دوسرے یونٹ کی تعمیر 8 اپریل 2020 کو شروع ہوئی اور تیسرے یونٹ کے لیے کنکریٹ کی پہلی کھیپ 10 مارچ 2021 کو ڈالی گئی۔
