صدر رجب طیب ایردوان نے کہا ہے کہ ترک اتھلیٹس نے عالمی سطح پر جو بہترین کارکردگی دکھائی ہے اس سے ترکی کا پرچم بلند ہوا ہے، ترک اتھلیٹس بجا طور پر قوم کا فخر ہیں۔
صدر ایردوان نے ان خیالات کا اظہار دارالحکومت انقرہ میں ترک اتھلیٹس کے اعزاز میں منعقدہ افطار ڈنر کے دوران کیا۔ انہوں نے کہا کہ "میں ترکی کے قابل فخر کھلاڑیوں کے ساتھ روزہ افطار کرنے پر خوش ہوں۔ آپ نے ہمارے ملک کے لیے منفرد خدمات فراہم کیں اور ہمارے لوگوں کو بہت خوشی دی۔”
انہوں نے کہا ترک اتھلیٹس نے عالمی سطح پر جو بہترین کارکردگی دکھائی ہے اس سے ترکی کا پرچم بلند ہوا ہے، ترک اتھلیٹس بجا طور پر قوم کا فخر ہیں، حکومت اولمپکس میں مزید کامیابی کے لئے اپنے اتھلیٹس کو ہر ممکن سہولت فراہم کرے گی
انہوں نے کہا کہ "ہم نے اپنے کھیل کو ٹوکیو 2020 اولمپکس اور پیرا اولمپک گیمز میں سنہری حروف میں کندہ کامیابیوں کے ساتھ تاج پہنایا ہے۔ آپ اس تنظیم میں کل 28 تمغے جیت کر ہماری قوم کے لیے باعث فخر بن گئے ہیں جس میں دنیا بھر سے تقریباً 20 ہزار ایتھلیٹس نے حصہ لیا۔
انہوں نے کہا کہ وہ اپنے تمام وسائل کے ساتھ کھلاڑیوں کے ساتھ دیتے رہیں گے۔
انہوں نے کہا کہ جس طرح ہم نے کامیابی کی کہانیوں کا ایک ساتھ تجربہ کیا ہے اسی طرح ہم 2024 کے پیرس اولمپکس میں مل کر زیادہ کامیابیاں حاصل کریں گے۔
