ترک صدر رجب طیب ایردوان نےجشن نوروز کے موقع پر عزم کا اعادہ کرتے ہوئے کہا کہ ترک قوم مزید خوشحال، عدل پر مبنی اور محفوظ مستقبل کی تعمیر کرنا جاری رکھیں گے۔
صدارتی دفتر محکمہ مواصلات کی طرف سے جاری کردہ بیان کے مطابق صدر ایردوان نے جشن نوروز کی مناسبت سے پیغام جاری کیا ہے۔
پیغام میں انہوں نے بہار کے پیامبر اور امن اوربھائی چارے کی علامت جشنِ نوروز کی مبارکباد پیش کی اور کہا ہے کہ” ہزاروں سالوں سے وسطی ایشیاء سے اناطولیہ اور بالقان تک وسیع سطح پر منائے جانے والے اس جشن کے موقع پر میری دعا ہے کہ پوری دنیا میں باہمی اتحاد و اخوت کے جذبات کا بول بالا ہو”۔
انہوں نے کہا ہے کہ "جشن نوروز کی پیدا کردہ امید اور باہمی اتحاد و اخوت کے جذبات کے ساتھ ہم اپنی عورتوں ، مردوں، جوانوں اور بوڑھوں سب کے ساتھ مل کر اپنے ملک، علاقے اور پوری دنیا کےلئے زیادہ خوشحال ، منصفانہ اور محفوظ مستقبل کی تعمیر کرنا جاری رکھیں گے۔ میری دعا ہے کہ جشن نوروز میرے ملک و ملت کے لئے اور پوری انسانیت کے لئے خوشحالی و برکت کا وسیلہ بنے۔میں آپ سب کو دلی سلام پیش کرتا ہوں”۔
