ترک صدر رجب طیب اردوان اور آسٹریا کے چانسلر کارل نیہمر نے ٹیلی فون پر دوطرفہ تعلقات اور روس یوکرین جنگ سمیت علاقائی پیش رفت پر تبادلہ خیال کیا۔
ترک مواصلاتی دفتر سے جاری کردہ بیان کے مطابق صدر نے آسٹریا کے چانسلر کوبتایا کہ ہم روس اور یوکرین کے درمیان امن کے قیام کے لیے ہر ممکن کوشش کر رہے ہیں۔
صدر نے ترکی اور آسٹریا کے درمیان اعلیٰ سطحی تعلقات میں حالیہ اضافے کا بھی خیرمقدم کیا اور کہا کہ آسٹریا میں ترک کمیونٹی کی فلاح و بہبود یقینی بنانا دونوں ممالک کے درمیان مثبت ماحول کو مزید فروغ دے گا۔
ترکی اور یورپی یونین کے تعلقات کے حوالے سے صدر کا کہنا تھا کہ ہم توقع کرتے ہیں کہ یہ بلاک موجودہ میکانزم کو بحال کرے گا، نئے باب کھولے گا اور کسٹم یونین کے معاہدے کو بلا تاخیر اپ ڈیٹ کرے گا۔
