ترک صدر ایردوان نے آق پارٹی کے اقتدار میں 19 سال مکمل ہونے پر خصوصی پیغام جاری کیا ۔
صدر کا کہنا تھا کہ ہماری پارٹی قوم کی حمایت کے ساتھ 19 سال سے اقتدار میں ہے اور خدمت کا جذبہ دن بدن بڑھتا جا رہا ہے۔
صدر نے میڈیا نمائندگان سے گفتگو کرتے ہوئے بتایا کہ آق پارٹی نے اپنے دور اقتدار میں ملک و قوم کی خدمت کرنے میں کوئی کسر نہیں چھوڑی اور ترکی کو ایک ترقی یافتہ ملک بنانے میں اہم کردار ادا کیا جو مستقبل میں بھی جارے رکھیں گے۔
صدر نے ترکی میں توانائی کے حوالے سے مشکلات کا ذکر کرتے ہوئے کہا کہ بہت جلد ہمیں اس شعبے میں بھی خوشحبری ملے گی بحریہ اسود سے ملنے والے قدرتی گیس کے ذخائر نہ صرف حکومتی خزانے میں جائے گی بلکہ شہریوں کو بھی فراہم کی جائے گی ۔
صدر نے سماجی رابطوں کی ویب سائٹ ٹوئٹر پر پیغام شئیر کرتے ہوئے کہا کہ جس طرح آق پارٹی نے 2002 سے لے آج تک ملک کی ترقی اور قوم کی خدمت کی ہے آگے بھی اسی طرح جاری رکھیں گے اور یکجان ہو کر ترقی کی راہ پر گامزن رہیں گے۔
