ترکی کی خلائی ایجنسی (ٹی ایس اے) کے سربراہ نے اپنے بیان میں کہا کہ ترکی کی ہائی ریزولیشن آبزرویشن سیٹلائٹ کی تعمیر اختتامی مراحل کے قریب ہے۔
خلائی ایجنسی کے صدر ہوسین یلدریم نے میڈیا سے بات کرتے ہوئے کہا کہ (آئی ایم سی سی ای )سیٹلائٹ اگلے سال لانچ کی جائے گی۔
انکا کہنا تھا کہ یہ سیٹلائٹ 60 فیصد تک مقامی وسائل کے ساتھ تیار کی جا رہی ہے۔
انہوں نے زور دے کر کہا کہ ترک انجینئرز، ٹیکنیشن اور ڈیزائنر سیٹلائٹ کے ڈیزائن اور سسٹم کو بہترین طریقے سے مکمل کرنے میں مصروف ہیں۔
انکا کہنا تھا کہ سیٹلائٹ کی تعمیر اپنے آخری مراحل میں ہیں اس مرحلے کو فلائٹ ماڈل بھی کہا جاتا ہے۔
سیٹلائٹ کو 2022 میں لانچ کرنے کی توقع کی جارہی ہے۔
انکا مزید کہنا تھا کہ ترکی ابھی خود سیٹلائٹ لانچ نہیں کرتا لیکن امید ہے کہ آنے والے 10 سالوں میں ترکی اپنی سیٹلائٹ خود لانچ کرنے کے قابل ہو جائے گا۔
جنوری میں ترکی نے امریکی فرم اسپیس ایکس سے اپنا ترک ا سٹیٹ اے سیٹلائٹ لانچ کیا تھا۔
