ترکی نے افغانستان میں موجود اپنے شہریوں کو وطن واپس لانے کا فیصلہ کیا ہے۔ کابل میں ترک سفارتحانے کا جاری کردہ بیان میں کہنا ہے کہ سفارتحانہ مسلسل ترک شہریوں سے رابطے میں ہے اور موجودہ صورتحال کے پیش نظر وطن واپس جانے کے خواہشمند افراد کے لیے انتظامات کیے جا رہے ہیں۔
سفارتحانے کا کہنا ہے کہ انہیں افغانستان میں موجود ترک شہریوں کی جانب سے دراخوستیں موصول ہو رہی ہیں اور حکام نے درخواستوں پر عمل درآمد بھی شروع کر دیا ہے۔
بیان میں ترک شہریوں کو ہدایت کی گئی ہے کہ جب تک ان کی واپسی کے لیے انتظامات مکمل نہیں ہوتے تب تک وہ پر سکون رہیں ۔ کابل میں موجود ایمبیسی اور کونسل خانہ شہریو ں کی حفاظت کو یقینی بنانے کے لیے ان سے رابطے کر رہا ہے۔
