انقرہ: ترکی کے نائب وزیر نوح یلماز نے ایران کے نائب وزیر خارجہ اور انسٹیٹیوٹ برائے سیاسی و بین الاقوامی مطالعات کے صدر سعید خطیب زادہ سے ملاقات کی۔ یہ ملاقات انقرہ میں ہوئی جس میں دونوں ممالک کے درمیان دوطرفہ تعلقات کے فروغ اور مختلف علاقائی امور پر تفصیلی گفتگو کی گئی۔ملاقات میں اقتصادی تعاون، تجارتی روابط میں اضافے، اور خطے میں امن و استحکام کے لیے مشترکہ اقدامات پر زور دیا گیا۔ دونوں رہنماؤں نے اس بات پر اتفاق کیا کہ ترکی اور ایران کے درمیان قریبی ہم آہنگی خطے کے چیلنجز سے نمٹنے اور ترقی کے نئے مواقع پیدا کرنے میں مددگار ثابت ہوگی۔اس موقع پر علاقائی اور عالمی سطح پر بدلتی صورتحال، سکیورٹی کے معاملات، اور باہمی دلچسپی کے دیگر امور بھی زیر بحث آئے۔ دونوں فریقین نے تعلقات کو مزید مستحکم بنانے اور تعاون کے نئے شعبے تلاش کرنے پر اتفاق کیا۔
