ترکیہ نے نائیجیریا کے شمالی علاقے نائیجر کی گورارا ریاست میں ایندھن کے ٹینکر کے دھماکے میں قیمتی جانوں کے نقصان پر گہرے دکھ اور افسوس کا اظہار کیا ہے۔
وزارت خارجہ نے ایک تحریری بیان میں کہا کہ ،گورارا علاقے میں ایندھن کے ٹینکر میں دھماکے سے ہونے والی جانی نقصان کی خبر پر ترکیہ کو انتہائی افسوس ہے۔ بیان میں کہا گیا کہ، ترکیہ ہلاک ہونے والوں کے اہل خانہ کے ساتھ دکھ کی گھڑی میں شریک ہے اور زخمیوں کی جلد صحت یابی کے لیے دعا گو ہے۔
یاد رہے کہ، 19 جنوری 2025 کو نائیجر ریاست میں ڈیکو ماجے ہائی وے پر ایک ایندھن لادا ٹینکر بے قابو ہو کر الٹ گیا تھا۔ اس کے بعد علاقے کے لوگ الٹی ہوئی گاڑی سے ایندھن نکالنے کی کوشش کر رہے تھے کہ، اچانک ٹینکر میں دھماکہ ہو گیا۔ نائجیریا کی ریاستی ہنگامی ایجنسی کے مطابق، اس حادثے میں 86 افراد ہلاک اور 55 زخمی ہوئے ہیں۔
ترکیہ نے نائیجیریا کے عوام کے ساتھ یکجہتی کا اظہار کرتے ہوئے اس المناک حادثے کی تلافی کی امید ظاہر کی ہے اور ان کے ساتھ ہر سطح پر تعاون کی یقین دہانی کرائی ہے۔
