ترک صدر ایردوان نے 98ویں یوم جمہوریہ کے موقع پر انقرہ میں جدید ترکی کے بانی مصطفی کمال اتاترک کی قبر پر خاضری دی اور پھولوں کی چادر چڑھائی اور ایک منٹ کی خاموشی اختیار کی
ترک صدر نے تقریب سے خطاب کرتے ہوئے عزم کا اظہار کرتے ہوئے کہا کہ ترکی 2023 میں اپنے تمام مقاصد حاصل کر لے گا ۔
صدر نے یادگاری کتاب میں اپنا پیغام بھی لکھا جس میں ان کا کہنا تھا کہ ہمارا تعلق ایک ایسی قوم سے ہے جس کا ماضی کامیابی کی داستانوں سے بھرپور ہے ، ہم 2023 تک اپنے مقاصد حاصل کرنے کے لیے پر عزم ہیں۔
صدر ایردوان نے صدارتی محل میں 98ویں یوم جمہوریہ کی مبارکباد بھی وصول کی ۔
یوم جمہوریہ کے موقع پر ملک بھر میں تقریبات کا انعقاد کیا گیا مختلف شہروں میں کنسرٹس ، آتشبازی اور عوامی مارچ کیا گیا۔
29 اکتوبر 1923 کو مصطفی کمال اتاترک نے باضابطہ طور پر ملک کے نام کا اعلان کیا اور ملک کی جمہوری حیثیت کا اعلان کیا۔
اسی دن کی یاد میں ہر سال ترک قوم 29 اکتوبر کو یوم جمہوریہ مناتے ہیں ۔
