کورونا وائرس کے پھیلاو کو روکنے کے اقدام کے طور پر، ترکی نے جمعرات کی شام سے پیر کی صبح تک ملک گیر کرفیو کا اعلان کیا ہے۔
وزارت داخلہ کے جاری کردہ ایک سرکلر کے مطابق ، 22 اپریل سے 26 اپریل کی صبح 5 بجے تک کرفیو نافذ رہے گا۔
قومی خودمختاری اور بچوں کے قومی دن کی چھٹی کے ساتھ ساتھ ہفتے کے آخر میں بھی کرفیو برقرار رکھا جائے گا۔
کورونا وائرس کے پھیلاو کو روکنے کے لیے، قومی دن منانے کے لیے کسی قسم کے بڑے اجتماعات منعقد نہیں کیے جایئں گے۔
البتہ احتیاطی تدابیر کے ساتھ کچھ آن لائن پروگرام ضرور منعقد کیے جائیں گے۔
یاد رہے کہ سن 1920 سے ترکی ہر سال 23 اپریل کو ترک گرانڈ نیشنل اسمبلی کے پہلے اجتماع کو بطور یادگار مناتا ہے۔
عالمی وبا کے پیش نظر بچوں کی تمام تقریبات کو بھی منسوخ کر دیا گیا ہے۔
گذشتہ ہفتے سے کوورڈ کے بڑھتے ہوئے واقعات اور اموات کی تعدادِ میں مسلسل اضافے کے باعث ملک میں مسلم مقدس ماہ رمضان کے پہلے دو ہفتوں تک خصوصی اقدامات نافذ العمل ہیں۔
کرفیو کے دوران شہروں کے درمیان سفر پر بھی پابندی ہے۔
اعلی خطرہ والے شہروں میں بھی ہفتے کے آخر میں کرفیو جاری ہے۔
کیفے اور ریسٹورنٹس صرف ڈیلیوری اور ٹیک اوے تک محدود ہیں جبکہ شادی ہال ، اسپورٹس سینٹرز اور گیم ہال عید تک بند رہیں گے۔
