ترکیہ کے وزیر تعلیم پروفیسر ڈاکٹر یوسف تکین نے گزشتہ روز اسلام آباد میں ترک سفارتخانے کا دورہ کیا اور پاکستان میں ترکیہ کے سفیر عرفان نزیراوغلو سے ملاقات کی۔
اس ملاقات میں پاکستان کے اندر ترکیہ کے تعلیمی اداروں کی جانب سے جاری سرگرمیوں پر تبادلہ خیال کیا گیا۔
اس موقع پر وزیر تعلیم ڈاکٹر تکین نے سفارتخانے میں مختلف کمیشنز میں خدمات انجام دینے والے عملے سے بھی ملاقات کی اور ان کے کام کے حوالے سے تفصیلی بریفنگ لی۔ انہوں نے سفیر نذیر اوغلو اور ان کے ساتھیوں کے لیے نیک خواہشات کا اظہار کرتے ہوئے کہا کہ، ترکیہ کی جانب سے پاکستان میں جاری تعلیمی منصوبے دونوں ممالک کے دوستانہ تعلقات کو مزید مضبوط کرنے میں اہم کردار ادا کریں گے۔
ڈاکٹر تکین نے سفارتخانے کی کاوشوں کو سراہتے ہوئے امید ظاہر کی کہ، یہ تعاون مستقبل میں بھی جاری رہے گا اور مزید فروغ پائے گا۔
