واشنگٹن/لندن – امریکی صدر ڈونلڈ ٹرمپ نے یورپی یونین پر زور دیا ہے کہ وہ بھارت اور چین سے آنے والی مصنوعات پر 100
فیصد تک کسٹم ڈیوٹی عائد کرے۔
فنانشل ٹائمز کے مطابق، ٹرمپ کا مؤقف ہے کہ یورپی منڈیوں میں بھارت اور چین کی برآمدات مغربی صنعتوں کے لیے سخت مسابقت پیدا کر رہی ہیں۔ انہوں نے کہا کہ یورپ اگر سخت اقدامات نہیں کرتا تو یہ اس کی اپنی معیشت کے لیے نقصان دہ ہوگا۔
ٹرمپ کا یہ مطالبہ ایسے وقت میں سامنے آیا ہے جب امریکہ پہلے ہی چین کے ساتھ تجارتی کشیدگی میں ہے، جبکہ بھارت کی بڑھتی ہوئی برآمدات بھی مغربی مارکیٹ پر دباؤ ڈال رہی ہیں۔
